.jfif)
SSC Board Exam 2025: Exam Hall Ke Mazedaar Pal!
Board exams ka naam sunte hi tension badh jaati hai, par yeh bhi sach hai ki exam hall mein aise moments bhi hote hain jo yaadgar ban jaate hain. 😆 Chalo, kuch mast moments ko yaad karte hain jo BMC Board 10th Exam ke dauraan hue!
1. Last-Minute Padhai Ka Drama
Paper se sirf 10 minute pehle log book khol kar superhuman speed mein sab kuch yaad karne ki koshish kar rahe the. Koi formula revise kar raha tha, toh koi random dates yaad karne mein laga tha. Ek dost toh ye tak keh raha tha: "Bhai, bas ek aur page padne de, zindagi ka sawaal hai!" 😂
2. Question Paper Dekhte Hi Hosh Udd Gaye!
Jaise hi question paper haath mein aaya, ek second ke liye sab freeze ho gaye. Koi first page ghur raha tha, toh koi seedha last page dekh raha tha ki kahin last wale easy toh nahi. Ek ladke ka reaction tha – "Bhai, yeh syllabus ka part kab tha?!" 🤯
Sabse bada jhatka mujhe laga, kyunki paper Marathi ka tha, aur main ek Hindi wala banda! 🤦♂️ Ek bhi sawaal samajh nahi aaya, aur answer likhna toh door ki baat thi! Socha tha kuch Marathi samajh aa jayegi, par yahan toh lag hi nahi raha tha ki yeh duniya ki koi bhasha hai! 🤣 Last mein sab Hindi mein likh ke aagaya, jo hoga dekha jayega!
3. Saqib Aur Ubaid Ka Scene
Mera center ek jagah tha aur mere dost Saqib aur Ubaid kisi doosre center par the. Exam ke baad sab ek doosre ko call karne waale the, lekin pehle toh apna survival mission complete karna tha! 🤣
Saqib ka scene alag hi tha – usne pehle 10 minute question paper ghurne mein laga diye, jaise uska dimaag aur paper ek doosre se telepathic connection bana rahe ho! 😆
Aur Ubaid ne bina dekhe direct likhna start kar diya, jaise koi speed test chal raha ho. Phir jab aadha time nikal gaya, tab use realize hua ki woh answer key nahi, balki question paper pe hi likh raha hai! 🤣
4. Mere Baju Wali 12th Ki Ladki 😆
Mere baju ek ladki baithi thi, jo 12th mein thi. Pehle toh mujhe laga ki shayad koi expert hogi, par jaise hi exam shuru hua, madam ekdum relax mode mein chali gayi! 😴
Mujhe Marathi ka ek bhi sawaal samajh nahi aaya, toh socha inse puchh leta hoon – par madam ko bhi kuch nahi pata tha! 🤣 Upar se aise baithi thi jaise exam dene nahi, sohne aayi ho! Aur sach mein, exam ke beech hi so bhi gayi! 😆
5. Invigilator Ki Teekhi Nazar
Invigilator sirf ek kaam ke liye aaye the – aankhon se laser beams chhodne ke liye! 😆 Jaise hi kisi ne idhar-udhar dekha, invigilator ka ek stare aaya jo seedha dil pe laga. Ek baar toh laga ki wo aankhon hi aankhon mein question paper ke jawab padh le rahe hain! 🤣
6. Answer Sheet Ka Ink Explosion
Ek dost ne ek hi jagah itna likh diya ki pura page kaafi artistic lagne laga. Koi answer cut karke dubara likh raha tha, toh koi pen ki ink sukhane ke liye hawa mein page hilane laga. Ek dost ne toh extra sheet bhi maang li, par likha sirf ek paragraph! 😆
7. Paper Ke Baad Ka Post-Mortem!
Paper khatam hote hi sab ek doosre ke answers match karne lage. Par asli tension tab aayi jab har kisi ka answer alag tha! Ek ne kaha "Bhai, mera answer 42 aaya," doosre ne kaha "Mera 56 hai," teesre ne bola "Maine toh theory likh di!" 🤣
Final Thoughts
Exam serious cheez hai, par thoda masti bhi zaroori hai! Yeh moments hi toh baad mein yaad aayenge. Ab agli paper ki tayyari full focus ke saath! 📚💪 Sabhi students ko best of luck! 🎉🔥
.jpeg)
